Administrasyon Prezidan Donald Trump la bay yon pèmi federal pou pwojè manman tiyo petwòl Keystone XL k’ap sòti nan vil Alberta nan Kanada pou rive nan Nebraska, Ozetazini. Pwojè sa a se yon pwojè ansyen Prezidan Barack Obama te rejte demann li, sa gen anviwon 2 lane.
Vandredi 24 Mas 2017 la, Depatman Deta Ameriken anonse li akòde yon pèmi pou TransCanada bati tiyo gaz la. Nouvèl administrasyon amerikèn nan kwè pwojè konstriksyon tiyo gaz sa a nan enterè nasyon an.
Nan menm jounen an, Prezidan Donald Trump deklare tiyo sa a ap gen mwens danje pase lòt metòd pou transpòte petwòl yo. Li ajoute pou l’ di konstriksyon sa a te dwe fèt lontan deja.
Manman tiyo a ap travèse yon distans 1700 mil e l’ap transpòte anviwon 830.000 barik petwòl pa jou .
